1.6 Izohlar (Comments) va kod tozaligi standartlari
1.6 Izohlar (Comments) va kod tozaligi standartlari
Mentor: Azizbek Alimov (TBC Bank (6+ yil tajriba))
Full HD 1080p • O'zbek tilida • 02:201.6 Izohlar (Comments) va kod tozaligi standartlari
Professional dasturchi nafaqat ishlaydigan kod, balki boshqa dasturchilar o'qiy oladigan toza kod yozishi kerak. HTMLda izohlar (comments) yozish, surilishlar (Indentation / Tab vs Space), nesting (ichma-ich joylashuv) qoidalari va Clean Code mezonlari.
Darsdan olinadigan amaliy ko'nikmalar:
- HTML izohlari <!-- izoh --> sintaksisini to'g'ri qo'llash
- Kodni vaqtincha o'chirib turish (comment out) usullarini bilish
- Indentation (2 yoki 4 bo'sh joy) madaniyatiga odatlanish
- Katta jamoalarda qabul qilingan Clean Code qoidalari bilan tanishish
1. HTML Izohlari (Comments) nima?
Izohlar — bu kod muallifi yoki jamoa a'zolari uchun yoziladigan eslatmalardir. Brauzer izohlarni butunlay e'tiborsiz qoldiradi va foydalanuvchiga umuman ko'rsatmaydi.
HTML da izoh `<!--` bilan boshlanib, `-->` bilan yopiladi.
<!-- Bu bir qatorli oddiy izoh --> <!-- Bu esa ko'p qatorli izoh: Katta bo'limlar haqida to'liq tushuntirish yoki mualliflik huquqlarini yozish mumkin. -->
2. Qachon izoh yozish kerak?
Ko'p xatolik: har bir elementga izoh yozaverish kodni iflos qiladi. Masalan, `<p>Bu matn</p>` tepasiga `<!-- Bu yerda matn bor -->` deb yozish ortiqcha.
Izohlar quyidagi holatlarda zarur bo'ladi: murakkab mantiqiy bloklar boshlanishi va tugashida, muhim xavfsizlik eslatmalarida, yoki loyihani qayta ishlash davrida kodning bir qismini vaqtincha brauzerdan yashirib turishda.
3. Kod Tozaligi: Indentation (Surilishlar)
HTML daraxtsimon tuzilishga ega. Element ichida boshqa element kelsa, u albatta o'ng tomonga 2 ta bo'shliq (space) surilishi shart. Bu kodni o'qishni osonlashtiradi va qaysi element qaysi birining ichida ekanini darhol ko'rsatadi.